Italia sot do të deklarojë gjendje të jashtëzakonshme, pasi përmbytjet bënë kërdi në Venecia, duke lënë shkatërrim të përhapur në qytet.

Kryeministri Giuseppe Conte e përshkroi përmbytjen si “një goditje në zemrën e vendit tonë”, ndërsa inspektoi dëmet në Venecia mbrëmë, transmeton portali arbresh.info.

Në një mbledhje të kabinetit sot, qeveria në Romë pritet të marrë ‘fuqi të jashtëzakonshme’ për t’iu përgjigjur përmbytjeve të afërta.

Conte ka ofruar gjithashtu fonde emergjente pasi autoritetet e Venecias thanë që dëmi shkoi në qindra miliona paund, përfshirë miliona vetëm në Bazilikën e Shën Markut.

Kryepeshkopi i Venecias Francesco Moraglia tha që kisha kishte pësuar ‘dëm të pariparueshëm’ dhe pirja u përmbyt për herë të dytë në historinë e saj.

Mbrëmë ujërat në Sheshin e Shën Markut ishin tërhequr në pellgje, por vetëm një pjesë e vogël e turistëve po kalonin në shesh të mërkurën në mbrëmje./arbresh.info/